3 Then hem lusim ples wea waef blo hem wea dae hem leidaon, and go story witim olketa lo laen blo Heth. Hem sei:+ 4 “Mi wanfala foreigner wea setol witim iufala.+ Mi laekem wanfala pis land from iufala for mi berem waef blo mi.”

28 So Isaac talem Jacob for kam lo hem and hem blessim hem and talem hem disfala komand: “Iu mas no maritim eni gele from Canaan.+

4 And God bae givim blessing wea hem promisim for Abraham,+ lo iu and olketa pikinini* blo iu mekem iu bae onam disfala land wea iu stap lo hem olsem foreigner, wea God givim lo Abraham.”+

8 From Abraham garem faith,+ hem go lo ples wea God promis for givim lo hem. Hem obey and hem go nao nomata hem no savve lo wea hem go.+ 9 From hem garem faith, hem stap olsem foreigner lo datfala land wea God promis for givim lo hem nomata datwan hem no ples blo hem.+ Hem stap lo olketa tent+ witim Isaac and Jacob wea God talem sem promis lo olketa.+