6 “Olketa bae iusim gold, blue wool, purple wool, and red wool for stitchim lo gud quality linen for mekem datfala ephod.+ 7 Hem mas garem pis material lo each shoulder blo hem wea front and bak part blo ephod join lo hem. 8 Samting wea olketa bae iusim for weavim lo datfala belt*+ and samting wea olketa bae iusim for weavim lo datfala ephod hem mas semsem: gold, blue wool, purple wool, red wool, and gud quality linen. Iu mas soengim belt hia lo datfala ephod.

7 Bihaen datwan, Moses mekem Aaron for werem longfala kaleko+ blo priest, taengem belt+ raonem hem mekem hem werem coat wea no garem sleeve,+ and putim ephod*+ lo hem and taengem gud datfala belt*+ wea olketa weavim, wea olketa soengim lo datfala ephod.