12 And Jehovah sei lo Abram: “Go from disfala land wea iu stap lo hem and from olketa relative blo iu, and from pipol blo dadi blo iu and go lo land wea mi bae showim iu.+ 2 Mi bae mekem wanfala maeti nation kam from iu, and mi bae blessim iu, and mi bae mekem nem blo iu famous, and bikos lo iu, olketa narawan bae kasem blessing.+

15 Bihaen datwan, Jehovah story lo Abram insaed wanfala vision. Hem sei: “Iu no fraet,+ Abram. Mi bae protectim iu.*+ Reward blo iu bae barava big.”+

5 Hem leadim Abram go aotsaed and sei: “Plis, iu luk go ap lo skae and kaontem olketa star, sapos iu fit for duim datwan.” Then hem sei lo Abram: “Pikinini* blo iu bae staka olsem olketa star lo skae.”+

2 Then God story lo Israel insaed vision lo naet and sei: “Jacob, Jacob!” Then Jacob sei: “Mi lo hia!” 3 God sei: “Mi nao datfala tru God, mi God blo dadi blo iu.+ Iu no fraet for go daon lo Egypt bikos lo there bae mi mekem wanfala maeti nation kam from iu.+

7 And olketa Israelite* gohed garem pikinini and start for staka, and bikos namba blo olketa increase kwiktaem tumas olketa kamap wanfala strong nation, and olketa fulap lo datfala ples.+

32 Olketa hia nao olketa Israelite wea register followim laen blo dadi blo olketa. Total namba blo olketa wea register insaed olketa camp wea fit for joinim army hem 603,550.+