16 Then Jehovah sei lo Moses: “Chusim 70-fala man from olketa elder blo Israel, olketa elder and olketa leader wea iu savve olketa qualify,+ and tekem olketa go lo tent for meeting and olketa bae standap witim iu lo there. 17 Bae mi kam daon+ and story witim iu lo there,+ and bae mi tekem samfala holy spirit+ wea stap lo iu and putim lo olketa, and olketa bae helpem iu for deal witim pipol hia mekem iu no duim disfala waka seleva.+

13 Chusim from olketa tribe blo iufala, olketa man wea wise, wea faithful, and wea garem experience, and mi bae appointim olketa for kamap olketa hed ovarem iufala.’+

3 So olketa brata, iufala chusim sevenfala man midolwan lo iufala, wea garem gud reputation.*+ Olketa mas man wea God givim spirit lo olketa and wea olketa garem wisdom,+ mekem mifala appointim olketa for duim disfala waka.+