10 Wanfala son blo wanfala Israelite woman and wanfala Egyptian man stap witim olketa Israelite,+ and wanfala faet kamap between man hia and wanfala Israelite man insaed camp. 11 Son blo datfala Israelite woman start for tok spoelem datfala Nem* and cursim* nem hia.+ So olketa tekem hem go lo Moses.+ Mami blo man hia hem Shelomith, dota blo Dibri from tribe blo Dan.

32 Taem olketa Israelite stap lo wilderness, olketa lukim wanfala man kolektem firewood lo Sabbath day.+ 33 Olketa wea lukim man hia taem hem kolektem firewood tekem hem kam front lo Moses and Aaron and full nation.

17 Iufala mas no fevarem eniwan taem iufala judge.+ Iufala mas lisin lo man nating olsem hao iufala lisin lo man wea garem bignem.+ Iufala mas no fraetem eniwan+ bikos iufala representim God taem iufala judge.+ And sapos eni case hem hard tumas for iufala, iufala mas tekem kam lo mi, and bae mi nao deal witim datwan.’+