16 “‘Iufala mas no gogo raon midolwan pipol blo iufala for spredim laea story for spoelem nem blo narawan.+ Iufala mas no standap againstim laef* blo narawan.*+ Mi nao Jehovah.

20 “‘Iufala mas no talem laea story abaotem narawan taem iufala givim witness.+

16 Sapos wanfala man givim laea witness againstim narawan and sei man hia duim wanfala rong samting,+ 17 tufala man hia wea raoa bae standap front lo Jehovah, front lo olketa priest and olketa judge wea waka lo datfala taem.+ 18 Olketa judge bae investigatem gud datwan,+ and sapos man wea givim witness hem laea and hem talem laea samting againstim brata blo hem, 19 iufala shud duim lo hem samting wea hem laekem for olketa duim lo brata blo hem,+ and iufala mas aotem eni nogud samting midolwan lo iufala.+