24 Then hem wakem 40-fala silver socket base for stap andanit lo 20-fala panel frame hia. Each panel frame hem garem tufala tenon and hem sidaon insaed tufala silver socket base. Hem duim sem samting for evri panel frame hia.+ 25 Lo narasaed blo tabernacle, lo north saed, hem wakem 20-fala panel frame 26 and 40-fala silver socket base for evri panel frame hia. Tufala socket base bae stap andanit lo each panel frame.