15 Then olketa mekem olketa chain from pure gold wea olketa twistim olsem rope lo datfala breastpiece.+ 16 And olketa mekem tufala gold base and tufala gold ring and putim tufala ring hia lo tufala end blo datfala breastpiece. 17 Bihaen datwan, olketa pushim tufala gold rope hia thru lo tufala ring wea stap lo tufala end blo datfala breastpiece. 18 Then olketa pushim nara tufala end blo tufala gold rope hia thru lo tufala base wea stap lo tufala pis material lo shoulder blo datfala ephod, lo front blo hem.