11 “Phinehas,+ son blo Eleazar, wea hem son blo Aaron datfala priest hem stopem kros blo mi for olketa Israelite bikos hem no letem olketa for worshipim eni nara God bat mi nomoa.+ Dastawe mi no distroem olketa Israelite nomata mi God wea laekem pipol for worshipim mi nomoa.+

6 “Sapos brata blo iu, son blo mami blo iu, or sapos son or dota blo iu, or waef blo iu wea iu lovem, or best fren blo iu hem kam lo iuseleva and trae for switim iu and sei, ‘Iumi go and worshipim olketa nara god,’+ olketa god wea iu and olketa grandadi blo iu nating savve lo olketa, 7 olketa god blo olketa nation wea stap raonem iufala, nomata olketa stap klosap or farawe, from wan end lo land go kasem nara end lo land, 8 iu mas no followim hem, no lisin lo hem,+ and iu mas no sorre lo hem, or protectim hem, 9 bat iu mas killim hem dae.+ Iu nao mas first wan for sutim hem lo ston then evri nara pipol bae sutim hem bihaen.+