6 Lo end lo olketa day for hem kamap klin bihaen hem bornem boy or gele, woman hia mas tekem kam lo priest wanfala man sheepsheep wea no winim wan year for givim for burnt offering,*+ and wanfala young pigeon bird or wanfala turtledove bird for sin offering* lo entrance blo tent for meeting.

18 “Tok olsem lo Aaron and olketa son blo hem and evri Israelite, ‘Sapos eni Israelite man or eni foreigner wea stap witim olketa Israelite laek for givim burnt offering*+ lo Jehovah for fulfillim olketa promis blo hem or for givim voluntary offering,*+ 19 hem mas givim wanfala healthy bull,+ or young man sheepsheep, or goat from olketa animal blo hem mekem God hapi lo hem. 20 Iufala mas no givim eni animal wea garem problem lo body blo hem+ bikos datwan bae mekem God no hapi lo iufala.