29 “Diswan nao samting wea iu mas duim for mek holy lo Aaron and olketa son blo hem mekem olketa kamap priest for duim waka blo mi: Tekem wanfala young bull, tufala man sheepsheep wea healthy,+ 2 olketa bred wea no garem yeast, olketa raon bred wea garem hol lo midol wea no garem yeast and wea olketa mixim witim oil, and olketa flat bred wea no garem yeast wea olketa oilim antap blo hem.+ Iu mas iusim gudfala wheat flour for mekem evri bred hia, 3 and putim evri samting hia insaed lo wanfala basket+ and tekem kam front lo mi, witim datfala bull and tufala man sheepsheep hia.

14 “‘Diswan nao law blo grain offering:*+ Iufala olketa son blo Aaron mas tekem kam diswan lo altar, front lo Jehovah. 15 Wanfala lo olketa bae iusim hand blo hem for kasim best flour from datfala grain offering and lelebet oil blo hem and evri frankincense* wea stap lo datfala grain offering, and hem bae bonem olketa samting hia antap lo altar mekem datwan smoke olsem wanfala token offering* for Jehovah wea smel naes tumas.*+

13 Offering wea hem tekem kam hem wanfala silver dish wea weight blo hem 130 shekel,* wanfala silver bowl wea weight blo hem 70 shekel followim weight blo standard shekel blo datfala holy ples*+ and dish and bowl hia fulap witim best flour wea mix witim oil for grain offering,*+