2 Then man hia bae tekem kam offering hia lo olketa son blo Aaron, wea olketa priest, and priest bae iusim hand blo hem for kasim best flour hia wea oil and evri frankincense mix insaed, and bae hem bonem datwan antap lo altar mekem datwan smoke olsem wanfala token offering.*+ Hem offering wea fire bonem wea smel naes tumas lo Jehovah.*

11 “‘Bat sapos hem no garem inaf selen for peim tufala turtledove bird or tufala young pigeon bird, hem mas tekem kam offering for sin wea hem duim, wan kilo*+ blo best flour olsem sin offering. Hem shud no putim eni oil insaed or putim eni frankincense* lo hem bikos diswan hem wanfala sin offering. 12 Hem bae tekem kam datwan lo priest, and priest bae iusim hand blo hem for kasim datwan olsem wanfala token offering* and bonem lo altar mekem hem smoke antap olketa offering for Jehovah wea fire bonem. Diswan hem wanfala sin offering.