23 “Sei olsem lo Aaron and olketa son blo hem, ‘Iufala mas tok olsem taem iufala blessim+ pipol blo Israel:

24 “Jehovah nao bae blessim iu+ and lukaftarem iu.

25 Jehovah nao bae hapi lo iu,+ and luk for iu.

26 Jehovah nao bae kaen lo iu and givim peace lo iu.”’+

27 And olketa mas kolem pipol blo Israel+ lo nem blo mi mekem mi bae blessim olketa.”+

8 “Lo datfala taem Jehovah markem tribe blo Levi+ for karem datfala ark blo covenant blo Jehovah,+ for standap front lo Jehovah for duim olketa waka for hem, and for blessim pipol lo nem blo hem,+ wea olketa gohed duim kam kasem distaem.

5 “And olketa priest, olketa Levite, bae kam bikos Jehovah, God blo iufala, hem chusim olketa for duim waka blo hem,+ for talemaot olketa blessing lo nem blo Jehovah.+ Olketa bae talem hao for stretem eni raoa wea join witim faet.+

13 Olketa son blo Amram hem Aaron+ and Moses.+ Bat olketa markem Aaron+ nao for mekem holy datfala Most Holy Rum, hem and olketa son blo hem for offerim olketa sakrifaes front lo Jehovah, for duim waka for hem, and for talemaot olketa blessing lo nem blo hem for olowe.+