24 Hem bae putim hand blo hem antap hed blo young goat hia and killim dae datfala animal lo ples wea olketa savve killim dae animal for burnt offering front lo Jehovah.+ Diswan hem sin offering.

26 Hem bae bonem evri gris blo datfala animal mekem datwan smoke antap altar olsem gris blo datfala peace offering.+ Diswan nao evri samting wea priest bae duim mekem man hia kasem forgiveness for olketa sin blo hem. And God bae forgivim olketa sin blo hem.