7 “Olketa bae kavarem tu datfala tebol for showbred*+ witim wanfala blue kaleko, and putim olketa dish, olketa kap, olketa bowl, and olketa jug for drink offering+ antap datfala kaleko. Evritaem showbred+ mas stap antap lo datfala tebol.

32 Samfala lo olketa brata blo olketa lo laen blo Kohath, olketa lukaftarem layer bred,*+ for preparem lo evri sabbath.+

4 Distaem mi buildim wanfala haos for mekhae lo nem blo Jehovah, God blo mi. Mi bae mekem holy haos hia for hem, for bonem incense wea smel naes+ front lo hem, and tu, for evritaem putim layer bred,*+ and offerim olketa burnt offering,* lo morning and lo evening,+ lo olketa Sabbath,+ lo olketa niu moon,+ and lo olketa festival+ for Jehovah, God blo mifala. Diswan hem samting wea olketa blo Israel mas duim for olowe.