• Isaiah 61:1, 2
    Niu World Transleison blo Holy Scripture

    • 61 Spirit blo Sovereign Lord Jehovah hem stap lo mi,+

      Bikos Jehovah anointim mi for talemaot gud nius lo pipol wea hambol.+

      Hem sendem mi for healim pipol wea heart blo olketa hem brek,

      For talemaot olketa wea prisoner for kamap free

      And for mekem eye blo olketa prisoner for open big,+

       2 For talemaot dat hem year blo Jehovah for duim gud samting*

      And hem day blo God blo iumi for pei bak,+

      For comfortim evriwan wea sorre,+

  • Luke 4:18, 19
    Niu World Transleison blo Holy Scripture

    • 18 “Spirit blo Jehovah* hem stap lo mi, bikos hem anointim mi for talemaot gud nius lo pipol wea poor. Hem sendem mi for talemaot olketa wea prisoner for kamap free and for pipol wea blind savve lukluk moa, for mekem olketa wea pipol spoelem olketa for kamap free,+ 19 for preach abaotem taem wea olketa bae kasem moa blessing blo Jehovah.”*+

  • Romans 8:20, 21
    Niu World Transleison blo Holy Scripture

    • 20 Bikos creation hem hard waka nating nomoa,+ no from olketa laekem datwan, bat God nao letem datwan for kasem olketa, and lo semtaem hem givim hope for olketa 21 mekem olketa creation tu bae kamap free+ from body wea savve rotten and olketa kasem nambawan freedom olsem olketa pikinini blo God.