13 “And sapos iufala barava obeyim olketa komandment blo mi wea mi komandim lo iufala tuday, and iufala lovem Jehovah, God blo iufala, and worshipim hem witim full heart and witim full laef* blo iufala,+ 14 mi bae mekem hem rain tu lo land blo iufala lo stret taem blo hem, rain blo autumn season* and rain blo spring season,* and iufala bae kasem grain blo iufala and niu wine blo iufala and oil blo iufala.+ 15 And mi bae mekem grass grow lo field for olketa animal blo iufala. And bae iufala garem staka kaikai tu.+

13 Mi storyim finis evri samting and diswan nao main point: Fraet lo tru God+ and obeyim olketa komandment blo hem+ bikos diswan nao hem most important samting lo laef blo man.+