2 Olketa sei: “Jehovah komandim iu, lord blo mifala, for torowem olketa smol ston*+ for faendaot which land nao inheritance blo olketa Israelite. And Jehovah komandim iu, lord blo mifala, for givim inheritance blo brata blo mifala Zelophehad lo olketa dota blo hem.+

3 Bat Zelophehad+ wea hem son blo Hepher, Hepher hem son blo Gilead, Gilead hem son blo Machir, Machir hem son blo Manasseh, hem no garem eni son, hem garem nomoa olketa dota. Diswan nao nem blo olketa dota blo hem, Mahlah, Noah, Hoglah, Milcah, and Tirzah. 4 So olketa dota hia go front lo Eleazar+ datfala priest, Joshua son blo Nun, and lo olketa chief and sei: “Jehovah nao komandim Moses for givim land for mifala inheritim, olsem olketa brata blo mifala garem.”+ So olsem Jehovah bin komandim, hem givim inheritance lo olketa olsem hem givim lo olketa brata blo dadi blo olketa.+