14 “‘Iufala mas tingim disfala day, and iufala mas celebratem olsem wanfala festival for Jehovah. Iufala mas celebratem diswan lo evri genereson blo iufala. Disfala law hem stap for olowe.

5 Lo mek-14 day blo first month,+ bihaen sun go daon bat bifor hem dark* hem Pasova+ for Jehovah.

16 “Lo month blo Abib,* iufala mas no forget for celebratem Pasova for Jehovah, God blo iufala,+ bikos lo month blo Abib, Jehovah, God blo iufala, hem tekem iufala kamaot from Egypt lo naet.+

21 “‘Lo first month, lo mek-14 day blo datfala month, iufala bae celebratem festival blo Pasova.+ For sevenfala day iufala mas kaikaim bred wea no garem yeast.+

7 So aotem datfala old yeast mekem iufala kamap niu dough bikos iufala olsem dough wea no garem yeast. Tru samting nao, Christ givim laef blo hem olsem sakrifaes,+ and hem nao Pasova Lamb*+ blo iumi.