33 So Moses givim evri land wea Sihon,+ king blo olketa Amorite, and Og,+ king blo Bashan, tufala rul ovarem. Hem givim tu olketa taon and olketa land raonem olketa taon hia and olketa smol taon and olketa land raonem olketa taon hia wea tufala king hia rul ovarem, lo tribe blo Gad, lo tribe blo Reuben,+ and lo haf lo tribe blo Manasseh,+ son blo Joseph.

12 Diswan nao hem olketa king wea olketa Israelite winim and tekovarem land blo olketa lo east saed lo Jordan River, start lo Arnon Valley*+ go ap kasem Maunt Hermon+ and go kasem east saed lo Arabah:+

8 Witim nara haf lo tribe blo Manasseh, tribe blo Reuben, and tribe blo Gad, wea olketa kasem finis inheritance blo olketa from Moses lo east saed lo Jordan River, olsem Moses, servant blo Jehovah bin givim lo olketa:+