12 “Eniwan wea hitim wanfala man and man hia hem dae, iufala mas killim hem dae.+ 13 Bat sapos hem no min for duim datwan and datfala tru God letem datwan for happen, hem savve ranawe lo wanfala ples wea mi bae markem for iufala.+

4 “Diswan nao samting wea man wea killim dae narawan hem shud duim for sevem laef blo hem taem hem ranawe go lo wanfala lo olketa taon hia: Taem hem killim dae narawan bat hem no min for duim datwan, and hem nating heitim man hia,+ 5 olsem example, taem hem wakabaot witim narawan lo forest for tekem firewood and hem liftim ax for katem wanfala tree, bat hed blo ax hia hem flae aot from handol blo hem and bangam narawan and man hia dae, datfala man wea killim dae narawan mas ranawe for go stap insaed wanfala lo olketa taon hia.+

2 “Iu mas sei olsem lo olketa Israelite, ‘Iufala chusim olketa taon for stap sef+ wea mi bin storyim lo Moses for talem lo iufala, 3 mekem eniwan wea killim dae samwan bat hem no min for duim datwan or from accident, hem savve ranawe go lo there. Olketa taon hia bae kamap sef ples for iufala, from relative wea garem raet for pei bak.+