9 So Moses sei lo Joshua:+ “Chusim samfala man and iufala go faetem olketa Amalekite. Tumoro bae mi go standap antap lo hill, and bae mi holem datfala walking stik blo datfala tru God lo hand blo mi.”

13 So Moses witim servant blo hem Joshua+ getap, and Moses go ap lo datfala maunten blo datfala tru God.+

11 Jehovah story feis tu feis witim Moses,+ olsem hao wanfala man savve story witim nara man. Taem Moses go bak lo camp, Joshua,+ son blo Nun, wea hem servant and man for helpem hem,+ no lusim datfala tent.

18 So Jehovah sei lo Moses: “Iu tekem Joshua, son blo Nun, man wea qualify* and putim hand blo iu lo hed blo hem.+ 19 Then mekem hem standap front lo Eleazar wea priest and front lo full nation blo Israel and iu mas appointim hem for kamap leader front lo eye blo evriwan.+ 20 Iu bae givim samfala paoa* blo iu lo hem+ mekem full nation blo Israel savve obeyim hem.+

3 Jehovah, God blo iufala nao bae akros go firstaem lo iufala, and hem bae finisim olketa nation hia front lo iufala, and iufala bae tekova lo land blo olketa.+ Joshua nao bae leadim iufala for akros go,+ olsem Jehovah talem finis.