16 “‘Sapos offering wea hem givim hem wanfala vow offering*+ or wanfala voluntary offering,*+ hem mas kaikaim lo day wea hem givim datfala offering blo hem lo God, and hem savve kaikaim eni leftova lo next day.

18 “Tok olsem lo Aaron and olketa son blo hem and evri Israelite, ‘Sapos eni Israelite man or eni foreigner wea stap witim olketa Israelite laek for givim burnt offering*+ lo Jehovah for fulfillim olketa promis blo hem or for givim voluntary offering,*+ 19 hem mas givim wanfala healthy bull,+ or young man sheepsheep, or goat from olketa animal blo hem mekem God hapi lo hem.

21 “‘Sapos eni man givim wanfala peace offering*+ for Jehovah for fulfillim promis blo hem or wanfala voluntary offering, hem mas wanfala healthy animal from olketa buluka, or from olketa goat and sheepsheep blo hem mekem God hapi lo hem. Animal hia mas no garem eni problem lo body blo hem.