9 “And iu, son blo mi Solomon, gohed for savve lo God blo dadi blo iu and worshipim hem witim full heart+ and hapi* for duim datwan, bikos Jehovah lukluk lo evri heart+ and hem luksavve lo evri tingting blo man.+ Sapos iu lukaotem hem, iu bae faendem hem,+ bat sapos iu lusim hem, hem bae rejectim iu for olowe.+

2 So hem go for meetim Asa and sei lo hem: “Iufala lisin lo mi, O Asa and evriwan lo Judah and Benjamin! Jehovah hem stap witim iufala sapos iufala faithful lo hem.+ And sapos iufala lukaotem hem, hem bae letem iufala for faendem hem,+ bat sapos iufala lusim hem, bae hem lusim iufala.+

20 Spirit blo God kam lo Zechariah, son blo Jehoiada,+ datfala priest, and hem standap lo ples wea hae and sei lo pipol hia: “Diswan nao wanem datfala tru God talem, ‘Why nao iufala brekem olketa komandment blo Jehovah? Iufala bae no savve win! Bikos iufala lusim Jehovah, hem tu bae hem lusim iufala.’”+