5 Bat go lo ples wea Jehovah, God blo iufala, hem chusim for nem blo hem stap, wea hem ples blo hem for stap midolwan olketa tribe blo iufala, and iufala mas worshipim hem lo there.+ 6 Lo there nao iufala mas tekem go olketa burnt offering,*+ olketa nara offering, olketa tithe,*+ eni nara contribution from hand blo iufala,+ olketa vow offering,* olketa voluntary offering,*+ and olketa firstborn blo buluka and sheepsheep blo iufala.+

23 Iufala bae kaikaim wan tenth lo grain blo iufala, niu wine blo iufala, oil blo iufala, and firstborn blo olketa buluka and sheepsheep blo iufala front lo Jehovah, God blo iufala, lo ples wea hem chusim for nem blo hem stap+ mekem iufala savve lane for evritaem fraet lo Jehovah, God blo iufala.+

11 And iufala mas hapi front lo Jehovah, God blo iufala, iufala and olketa son, olketa dota, olketa man slave, olketa woman slave, olketa Levite wea stap insaed olketa taon* blo iufala, olketa foreigner wea stap witim iufala, pikinini wea no garem dadi,* and olketa widow wea stap witim iufala, lo ples wea Jehovah, God blo iufala, hem chusim for nem blo hem stap.+