25 Moses chusim olketa man wea fit from evri Israelite, and hem appointim olketa for kamap olketa hed ovarem wan thousand pipol, hed ovarem wan handred, hed ovarem fifti, and hed ovarem ten. 26 So olketa hia nao judgem pipol taem eni case kamap. Evri case wea hard olketa tekem go lo Moses,+ bat evri isi case olketa nao bae judgem.

16 “Lo datfala taem mi givim disfala instruction lo olketa judge blo iufala, ‘Taem iufala deal witim eni case between pipol blo iufala, iufala mas judgem case hia followim justice,+ nomata sapos case hia hem between tufala Israelite, or between wanfala Israelite and wanfala foreigner wea stap witim iufala.+

4 Jehoshaphat gohed stap lo Jerusalem, and hem go lukim moa olketa pipol wea stap lo Beer-sheba go kasem olketa area lo olketa maunten lo Ephraim,+ for helpem olketa for kam bak lo Jehovah, God blo olketa grandadi blo olketa.+ 5 And hem appointim tu olketa judge lo evri ples lo Judah, lo evri strongfala taon blo Judah, from wanfala taon go lo nara taon.+