25 Tuday mi bae mekem evri pipol wea stap andanit lo skae wea herem report abaotem iufala for panic and fraetem iufala. Olketa bae wari and seksek tumas* bikos lo iufala.’+

25 No eniwan bae fit for winim iufala.+ Jehovah, God blo iufala, bae mekem pipol lo full land hia wea iufala wakabaot lo hem for olketa fraetem iufala,+ followim samting wea hem promisim lo iufala.

10 bikos mifala bin herem hao Jehovah mekem iufala wakabaot lo drae graon lo Red Sea taem iufala lusim Egypt,+ and wanem iufala duim lo Sihon+ and Og,+ tufala king blo olketa Amorite, wea iufala barava finisim olketa lo narasaed* lo Jordan River. 11 Taem mifala herem olketa samting hia, mifala seksek fogud* and evriwan lo mifala no strong nao bikos Jehovah, God blo iufala hem God lo heven and lo earth.+

5 Taem evri king blo olketa Amorite+ wea stap lo west saed* blo Jordan River, and evri king blo olketa Canaanite+ wea stap klosap lo sea, herem hao Jehovah mekem wata lo Jordan for drae front lo olketa Israelite, go kasem taem evriwan lo olketa akros finis, olketa king hia seksek fogud,*+ and no strong nao bikos lo olketa Israelite.+