• Exodus 15:14-16
    Niu World Transleison blo Holy Scripture

    • 14 Pipol mas herem+ and olketa bae seksek.

      Pipol lo Philistia bae fraet fogud.*

      15 Lo datfala taem olketa chief* blo Edom bae fraet fogud,

      And olketa strongfala ruler* blo Moab+ bae seksek fogud.

      Evriwan lo Canaan bae wikdaon.+

      16 Olketa bae fraet and seksek fogud.+

      Bikos lo strongfala hand blo iu olketa bae no savve muv olsem ston

      Go kasem taem wea pipol blo iu go pas, O Jehovah,

      Go kasem taem pipol wea iu chusim+ olketa go pas.+

  • Joshua 2:9-11
    Niu World Transleison blo Holy Scripture

    • 9 Hem sei lo tufala: “Mi savve Jehovah bae givim disfala land lo iufala+ and datwan mekem mifala for fraet lo iufala.+ Mifala evriwan lo disfala land fraetem iufala tumas,+ 10 bikos mifala bin herem hao Jehovah mekem iufala wakabaot lo drae graon lo Red Sea taem iufala lusim Egypt,+ and wanem iufala duim lo Sihon+ and Og,+ tufala king blo olketa Amorite, wea iufala barava finisim olketa lo narasaed* lo Jordan River. 11 Taem mifala herem olketa samting hia, mifala seksek fogud* and evriwan lo mifala no strong nao bikos Jehovah, God blo iufala hem God lo heven and lo earth.+

  • Joshua 5:1
    Niu World Transleison blo Holy Scripture

    • 5 Taem evri king blo olketa Amorite+ wea stap lo west saed* blo Jordan River, and evri king blo olketa Canaanite+ wea stap klosap lo sea, herem hao Jehovah mekem wata lo Jordan for drae front lo olketa Israelite, go kasem taem evriwan lo olketa akros finis, olketa king hia seksek fogud,*+ and no strong nao bikos lo olketa Israelite.+