25 Then Saul witim olketa man blo hem kam for lukaotem David.+ Taem David herem datwan, semtaem nomoa hem go daon insaed wanfala cave+ saed lo klif blo wanfala maunten wea stap lo datfala wilderness lo Maon and haed lo there. Taem Saul herem diswan, hem aftarem David insaed lo wilderness lo Maon.

2 Wanfala man stap lo Maon,+ and olketa animal blo hem lo Carmel.*+ Hem man wea barava rich. Hem garem 3,000 sheepsheep, 1,000 goat, and hem gohed katem wool blo olketa sheepsheep blo hem lo Carmel. 3 Nem blo datfala man hem Nabal,+ and nem blo waef blo hem Abigail.+ Abigail hem wise woman and hem barava luk naes. Bat hasband blo hem, wea hem from tribe blo Caleb,+ hem man wea raf and savve treatim nogud olketa pipol.+