20 Then olketa pipol singaot taem olketa herem olketa priest blowim olketa horn.+ Stretawe taem olketa pipol hia herem saond blo horn and bigfala singaot wea olketa soldia savve duim lo taem blo faet, wall blo Jericho hem foldaon lo graon.+ Bihaen, olketa pipol go ap stret insaed lo taon and tekovarem datfala taon.

26 Lo datfala taem Joshua talem disfala strong toktok:* “Front lo eye blo Jehovah, trabol mas kasem man wea trae for buildim bak disfala taon lo Jericho. Taem bae hem wakem faondeson blo disfala taon, firstborn blo hem bae dae. Taem bae hem putim ap olketa gate blo disfala taon, lastborn blo hem bae dae.”+