20 Moses sei lo olketa: “Iufala mas duim diswan: Iufala mas redyim olketa samting for faet followim wanem Jehovah talem.+ 21 Evriwan lo iufala mas redyim olketa samting for faet and akrosim Jordan River for faet for Jehovah, go kasem taem hem raosem olketa enemy blo Hem front lo eye blo hem.+ 22 Iufala bae faet go kasem taem iufala winim disfala land witim help blo Jehovah.+ Sapos iufala duim diswan, iufala savve go bak+ and iufala bae no guilty front lo Jehovah and olketa Israelite. Then iufala bae onam disfala land wea Jehovah givim for iufala.+

18 “Then mi talem disfala komand lo iufala: ‘Jehovah, God blo iufala, hem givim disfala land lo iufala for onam. Evri strongfala man blo iufala bae redyim olketa samting for faet and akros go firstaem lo olketa brata blo iufala, olketa Israelite.+