4 Bat bihaen Ehud hem dae, olketa Israelite duim moa olketa nogud samting lo eye blo Jehovah.+ 2 So Jehovah givim* olketa go lo hand blo Jabin, king blo Canaan+ wea rul lo Hazor. Bigman lo army blo hem, hem Sisera wea stap lo Harosheth-ha-goiim.+ 3 Olketa Israelite singaot lo Jehovah for helpem olketa,+ bikos Jabin* garem 900 war chariot wea garem olketa long iron naef lo wheel*+ blo olketa, and hem treatim nogud lo olketa+ for 20 years.