15 “Bat sapos iufala no laek lisin lo voice blo Jehovah, God blo iufala, and no obeyim evri komandment and evri law blo hem wea mi komandim lo iufala tuday, evri trabol hia bae kasem iufala gogo bae olketa winim iufala:+

33 Pipol wea iufala nating savve lo olketa bae kaikaim harvest blo iufala,+ and evri samting wea iufala mekem from wanem iufala harvestim, and pipol bae evritaem ravem iufala and treatim iufala nogud.

31 Olketa bae busarem buluka blo iufala front lo eye blo iufala bat iufala bae no kaikaim eni part blo hem. Olketa bae stealim donkey blo iufala front lo iufala bat bae olketa no tekem kam bak lo iufala. Olketa enemy blo iufala bae tekem olketa sheepsheep blo iufala bat no eniwan bae helpem iufala.

48 Jehovah bae sendem olketa enemy blo iufala for againstim iufala, and iufala bae waka for olketa+ taem iufala hangere,+ thirsty, no garem gud kaleko, and iufala short lo evri samting. Hem bae putim wanfala iron yoke* lo nek blo iufala go kasem taem wea hem finisim iufala.