24 Bihaen, woman hia bornem wanfala son and hem nemim lo Samson.+ And taem boy hia growap, Jehovah gohed for blessim hem. 25 Gogo, spirit blo Jehovah start for waka lo hem+ taem hem lo Mahaneh-dan,+ wanfala ples between lo Zorah and Eshtaol.+

5 So Samson go daon witim dadi and mami blo hem lo Timnah. Taem hem kasem grape planteison lo Timnah, hem seke for lukim wanfala lion* singaot and kam for hem. 6 Then spirit blo Jehovah strongim hem,+ and hem tearem datfala lion* lo tufala haf, olsem samwan tearem young goat lo tufala haf witim hand blo hem. Bat hem no talem dadi and mami blo hem abaotem wanem hem duim.