19 Lo datfala taem wea olketa lo Israel no garem yet eni king,+ wanfala Levite wea stap lo wanfala farawe ples lo olketa area lo olketa maunten lo Ephraim,+ hem tekem wanfala concubine* from Bethlehem+ lo Judah for kamap waef blo hem. 2 Bat concubine blo hem no faithful lo hem, and woman hia leavim hasband blo hem and go lo haos blo dadi blo hem lo Bethlehem lo Judah. Hem stap lo there for fofala month.