15 Iu mas keakea for no mekem eni agreement witim pipol lo datfala land bikos taem olketa worshipim* olketa god blo olketa and offerim sakrifaes lo olketa god blo olketa,+ maet eniwan lo olketa invaetem iu and iu kaikaim kaikai wea olketa sakrifaesim.+ 16 Then bae iu tekem olketa gele blo olketa for olketa son blo iu,+ and olketa gele blo olketa bae worshipim* olketa god blo olketa and mekem olketa son blo iu for worshipim* olketa god blo olketa.+

25 Taem olketa Israelite stap lo Shittim+ olketa start for durong witim olketa woman lo Moab.+ 2 Olketa woman lo Moab invaetem olketa Israelite hia for go witim olketa taem olketa offerim olketa sakrifaes lo olketa god blo olketa,+ and olketa Israelite hia start for kaikai and baodaon lo olketa god blo olketa Moabite.+

3 Iufala mas no mekem eni marit agreement* witim olketa. No givim olketa dota blo iufala for olketa son blo olketa, or tekem olketa dota blo olketa for olketa son blo iufala.+ 4 Olketa bae mekem olketa son blo iufala for lusim God and worshipim olketa nara god.+ Then Jehovah bae barava kros lo iufala and hem bae kwiktaem finisim iufala.+

11 Bat King Solomon laekem staka woman from olketa nara ples.+ Nomata hem maritim finis dota blo Pharaoh,+ hem laekem moa olketa woman lo Moab,+ olketa woman lo Ammon,+ olketa woman lo Edom, olketa woman lo Sidon,+ and olketa Hittite+ woman.

4 Taem Solomon hem olo,+ olketa waef blo hem tanem tingting blo hem for followim olketa nara god,+ and hem no lovem Jehovah, God blo hem witim full heart blo hem olsem dadi blo hem David duim.