13 So Samuel tekem horn blo animal wea oil+ stap insaed and hem anointim David front lo olketa brata blo hem. And start lo datfala day, spirit blo Jehovah stap witim David.+ Bihaen, Samuel go bak lo Ramah.+

2 Taem iu arrive lo there, faendem Jehu,+ son blo Jehoshaphat, Jehoshaphat hem son blo Nimshi. Iu go insaed and talem hem getap from olketa brata blo hem and tekem hem go lo rum insaed haos. 3 Then tekem botol oil hia and pourim lo hed blo hem and sei, ‘Diswan nao wanem Jehovah talem: “Mi anointim iu for king ovarem Israel.”’+ Then openem door and kwiktaem ranawe.”