2 Saul chusim 3,000 best soldia from Israel. Hem witim 2,000 man camp lo Michmash and lo olketa area lo olketa maunten lo Bethel, and Jonathan+ witim 1,000 man camp lo Gibeah+ lo land blo tribe blo Benjamin. Evri nara Israelite hem sendem go bak lo haos* blo olketa.

4 Jonathan hem trae for akros go for kasem ples wea olketa Philistine soldia stap. Hem followim road wea go between lo tufala big rock wea sheip blo tufala olsem teeth. Nem blo wanfala rock hia hem Bozez and nem blo narawan hem Seneh. 5 Wanfala lo tufala big rock hia hem lo north saed and hem feisim go Michmash, and narawan hem lo south saed and hem feisim go Geba.+