2 Then Jehovah sei lo Gideon: “Olketa soldia wea go witim iu olketa staka tumas for mi givim olketa Midianite lo hand blo olketa.+ Nogud olketa lo Israel bae tok praod abaotem olketa seleva and sei lo mi, ‘Hand blo mifala nao sevem mifala.’+

15 Taem wakaman blo man blo datfala tru God wekap early lo morning and go aotsaed, hem lukim wanfala army wea kam lo olketa horse and olketa war chariot, olketa raonem datfala taon. Then wakaman hia sei: “O masta blo mi! Wanem nao bae iumi duim?” 16 Bat Elisha sei: “Iu no fraet!+ Olketa wea stap lo saed blo iumi, olketa staka winim olketa wea stap lo saed blo olketa.”+

11 Then Asa hem prea lo Jehovah, God blo hem+ and sei: “O Jehovah, nomata pipol olketa staka or olketa no strong,+ iu savve helpem olketa. Iu helpem mifala, O Jehovah, God blo mifala bikos mifala depend* lo iu,+ and lo nem blo iu nao mifala kam faet againstim disfala big army.+ O Jehovah, iu nao God blo mifala. No letem man wea savve dae nomoa for hem win againstim iu.”+