19 And lo next tumoro, hem bae ask for iu. So iu mas kam lo ples hia wea iu bin haed lo hem lo nara day* ia, and haed klosap lo disfala ston. 20 Bae mi sutim thrifala arrow saed lo datfala ston olsem mi sut for wanfala target. 21 Bae mi talem wakaman blo mi for go pikim kam olketa arrow wea mi sut lo hem. Sapos mi sei lo hem, ‘Olketa arrow ia nao lo saed lo iu, iu tekem kam,’ datwan minim iu savve kam bak bikos mi promis front lo Jehovah wea laef, evri samting hem olraet and iu no stap lo danger. 22 Bat sapos mi sei lo hem, ‘Olketa arrow ia nao lo front, iu go moa,’ then datwan minim iu mas ranawe bikos Jehovah nao sendem iu go.