21 Bihaen, taem David kasem Nob,+ hem go lukim Ahimelech, wea hem priest. Taem Ahimelech lukim David, hem fraet fogud and hem sei lo David: “Why nao iuseleva nomoa kam?”+ 2 David sei lo Ahimelech datfala priest: “King sendem mi for duim wanfala waka, bat hem sei, ‘Iu mas no talem lo eniwan waka wea mi sendem iu for duim and instruction wea mi givim lo iu.’ Mi bae go for meetim olketa man blo mi lo wanfala ples.