6 Datfala young man sei: “Mi lo Maunt Gilboa+ lo datfala taem, and mi lukim Saul lean lo spia blo hem for sapotim hemseleva, and olketa chariot and olketa man wea raedem horse kasem hem nao.+

10 So mi go lo hem and killim hem dae+ bikos mi savve bae hem no savve laef nao from hem garekil nogud. Then mi tekem kraon from hed blo hem and bangol from hand blo hem, and hem nao mi tekem kam for iu ia, lord blo mi.”