11 Bihaen, evri Israelite kam lo David lo Hebron+ and sei: “Lukim! Mifala nao relative blo iu.+ 2 Lo bifor, taem Saul hem king, iu nao man wea leadim Israel go lo olketa faet.+ And Jehovah, God blo iu sei lo iu: ‘Iu bae lukaftarem pipol blo mi lo Israel, and iu bae kamap leader ovarem pipol blo mi Israel.’”+ 3 So evri elder lo Israel kam lo king lo Hebron, and David mekem wanfala promis witim olketa lo Hebron front lo Jehovah. Then olketa anointim David for king ovarem Israel,+ olsem toktok wea Jehovah bin talemaot lo Samuel.+