15 Then Nathan go bak lo haos blo hem.

And Jehovah mekem pikinini blo David wea waef blo Uriah bornem for hem sik.

19 Taem David lukim olketa servant blo hem story smol lo olketa seleva, hem luksavve pikinini hia dae finis. David sei lo olketa servant blo hem: “Hao, pikinini hia dae nao?” Olketa sei: “Ia, hem dae nao.”

10 Then Amnon sei lo Tamar: “Tekem kam kaikai* lo rum blo mi and givim mi, mekem mi savve kaikaim.” So Tamar tekem olketa cake wea sheip olsem heart wea hem wakem, and tekem go for brata blo hem Amnon lo rum blo hem. 11 Taem Tamar tekem go olketa cake hia for hem kaikaim, Amnon grabim hem and sei: “Kam leidaon witim mi, sista blo mi.” 12 Bat Tamar sei lo hem: “Nomoa brata blo mi! No mek shame lo mi, bikos no eni samting olsem bin happen lo Israel.+ No duim disfala barava nogud samting.+ 13 Bae mi shame fogud and no savve forgetim disfala samting. And pipol bae ting lo iu olsem wanfala lo olketa rabis man lo Israel. So plis, go story lo king bikos hem bae letem mi nomoa for iu.” 14 Bat Amnon nating laek herem hem, and from hem strong winim Tamar, hem reipim hem. 15 Then Amnon barava heitim Tamar, and wei wea hem heitim Tamar hem barava strong winim love wea hem garem for hem. So Amnon sei lo hem: “Iu getap and iu go nao!”

14 So David sei lo evri servant blo hem wea stap witim hem lo Jerusalem: “Iumi mas lusim Jerusalem and ranawe.+ Hariap, nogud Absalom kasem iumi and winim iumi and killim dae evriwan lo taon witim sword!”+