19 Tufala midwaef hia sei lo Pharaoh: “Olketa Hebrew woman hia no olsem olketa Egyptian woman. Olketa Hebrew woman hia olketa strong and bornem pikinini finis bifor olketa midwaef kam for helpem olketa.”

3 So king blo Jericho sendem toktok go lo Rahab and sei: “Tekem kamaot olketa man wea stap lo haos blo iu, bikos olketa kam for spaem full land blo iumi.”

4 Bat woman hia tekem tufala and haedem tufala. Then hem sei: “Ia, olketa kasem mi, bat mi no savve wea nao olketa kam from. 5 And taem hem gogo for dark olketa go aot nao bifor gate lo taon hem klos. Mi no savve wea nao olketa go, bat sapos iufala kwiktaem go bihaenem olketa, iufala bae kasem olketa.”

12 Stretawe Michal helpem David for go aotsaed thru lo window, mekem hem savve ranawe.

14 Then Saul sendem samfala man for go tekem kam David, bat Michal sei: “Hem sik.”

2 David sei lo Ahimelech datfala priest: “King sendem mi for duim wanfala waka, bat hem sei, ‘Iu mas no talem lo eniwan waka wea mi sendem iu for duim and instruction wea mi givim lo iu.’ Mi bae go for meetim olketa man blo mi lo wanfala ples.