3 King askem hem moa: “Waswe, eniwan lo famili blo Saul laef yet mekem mi savve showim loyal love blo God lo hem?” Ziba sei lo king: “Wanfala son blo Jonathan stap wea tufala leg blo hem kripol.”+ 4 King askem hem: “Hem stap lo wea?” Ziba sei lo king: “Hem stap lo Lo-debar lo haos blo Machir,+ son blo Ammiel.”

5 Stretawe, King David sendem samfala man go and tekem hem kam from haos blo Machir, son blo Ammiel lo Lo-debar.