• Psalms 18:7-12
    Niu World Transleison blo Holy Scripture

    •  7 Then earth hem start for seksek and hem muv.+

      Olketa faondeson blo olketa maunten seksek

      And evri samting hia muv go and kam bikos hem kros.+

       8 Smoke go ap from nose blo hem,

      And fire kamaot from mouth blo hem.+

      Olketa chakol wea laet kamaot from hem.

       9 Hem daonem kam skae taem hem kam daon,+

      And thik dark cloud hem stap andanit foot blo hem.+

      10 Hem raed antap wanfala cherub and hem flae kam.+

      Hem olsem hem flae kam daon lo olketa wing blo wanfala angel.*+

      11 Then hem kavarem hemseleva lo darkness,+

      Olsem wanfala tent evriwea raonem hem,

      Lo olketa thik and dark cloud.+

      12 From hem shaen braet

      Hail ston and olketa hot chakol flae kamaot from olketa cloud.