12 Taem iu dae,+ olketa bae berem iu witim olketa grandadi blo iu. Then mi bae mekem pikinini* wea kam from laen blo iu, wea hem son* blo iu for hem king. And bae mi mekem kingdom blo hem for kamap strong.+ 13 Hem nao bae wakem haos for mekhae lo nem blo mi,+ and mi bae mekem rul* blo hem stap strong for olowe.+

9 Lukim! Iu bae garem wanfala son+ wea hem man blo peace,* and mi bae mekem hem rest from evri enemy blo hem wea stap raonem hem,+ Solomon*+ nao bae nem blo hem, and lo taem blo hem, mi bae mekem Israel stap lo peace, and no eni nogud samting bae kasem olketa.+ 10 Hem nao bae buildim wanfala haos for mekhae lo nem blo mi.+ Hem bae kamap son blo mi, and mi bae kamap dadi blo hem.+ Mi bae mekem rul blo hem ovarem Israel stap strong for olowe.’+

4 Distaem mi buildim wanfala haos for mekhae lo nem blo Jehovah, God blo mi. Mi bae mekem holy haos hia for hem, for bonem incense wea smel naes+ front lo hem, and tu, for evritaem putim layer bred,*+ and offerim olketa burnt offering,* lo morning and lo evening,+ lo olketa Sabbath,+ lo olketa niu moon,+ and lo olketa festival+ for Jehovah, God blo mifala. Diswan hem samting wea olketa blo Israel mas duim for olowe.