24 Olketa son blo iufala and datfala foreigner and evri nation bae sei, ‘Why nao Jehovah duim diswan lo disfala land?+ Why nao hem kros tumas olsem?’ 25 Then olketa bae sei, ‘Hem bikos olketa no followim datfala covenant blo Jehovah,+ God blo olketa grandadi blo olketa, wea hem mekem witim olketa taem hem tekem olketa aot from land lo Egypt.+

8 “‘And staka nation bae wakabaot go pas lo disfala taon and sei lo each other: “Why nao Jehovah duim diswan lo disfala barava spesol taon?”+ 9 And olketa bae sei: “Hem bikos olketa no keepim covenant wea olketa mekem witim Jehovah, God blo olketa, and olketa baodaon lo olketa nara god and worshipim olketa.”’+