• Deuteronomy 12:2, 3
    Niu World Transleison blo Holy Scripture

    • 2 Taem iufala ronem aot olketa nation wea iufala bae onam land blo olketa, iufala mas distroem evri ples blo olketa for worshipim olketa god blo olketa,+ nomata lo olketa hae maunten or lo olketa hill or andanit eni big tree wea grow gud. 3 Iufala mas distroem olketa altar blo olketa, pisisim olketa ston post blo olketa for worship,+ bonem olketa post blo olketa for worship* insaed fire, and katem daon olketa image blo olketa god blo olketa+ mekem no eniwan bae savve moa lo nem* blo olketa lo datfala ples.+

  • Jeremiah 2:20
    Niu World Transleison blo Holy Scripture

    • 20 ‘Bifor kam yet nao mi pisisim yoke* blo iu+

      And brekem olketa chain wea olketa chainim lo iu.

      Bat iu sei: “Mi bae no worshipim iu,”

      Bikos lo evri hae hill and andanit evri big tree wea grow gud+

      Iu leidaon lo baksaed blo iu, and iu gohed for durong.+

  • Hosea 4:13
    Niu World Transleison blo Holy Scripture

    • 13 Antap lo olketa maunten olketa offerim sakrifaes,+

      And antap olketa hill olketa offerim olketa sakrifaes and mekem smoke blo olketa go ap,

      Andanit lo olketa oak tree and storax tree and evri big tree,+

      Bikos shade blo olketa tree hia hem gud.

      Dastawe olketa dota blo iufala olketa prostitute*

      And olketa dota-in-law blo iufala duim adultery.